雪地裸求

「你有冇咩 idea 話我知應該點做呀?因為而家時間已經好緊迫喇。我對呢啲嘢又唔熟。」

某同事來電,心急跪求答案。

幾個月前,這位同事已經聯絡過我,問同一個問題。

我的答案是,先行第一步:跟有關同事商量可行的方案,該同事就會告訴她餘下的程序。如果她的第一步牽涉幾個部門,就要邀請那幾個部門的有關同事作討論。

光陰似箭,幾個月很快過去了。某同事再聯絡我,問同一個問題,加多一句「而家時間好緊迫」。原來這幾個月來,她連第一步也未行。

我重覆剛才的答案,也加多一句:「咁所以你要快啲搵人囉。」

「我就係唔想逐個搵,咁樣好嘥時間。」

時間一天一天過去,而 deadline 鐵定不會延期。

她:咁你哋熟吖嘛,我哋未做過。

我:我哋就係每次都逐個人咁搵囉,所以我就咁樣 advise 你。

她:咁如果我想咁樣咁樣,得唔得架?

我:假設人哋應承你,咪可以囉。但我唔可以代表人哋回答你,因為唔同嘅部門喺唔同嘅時候有唔同嘅考慮。而我哋係唔會知道哂各個部門而家諗緊乜,佢哋亦唔會特登向我哋報告嘅。除非我哋有嘢搵佢哋合作,佢哋先至會同我哋講,一啲關我哋事嘅嘢。所以咪叫你搵人同你傾囉。

她:咁跟住又點呀?

我:跟住如果人哋肯同你合作,就自然有人話你知,下一步點做。唔同嘅情況,就有唔同嘅程序。我又唔知最終你搵到邊個、唔知人哋手頭上有啲乜、又唔知你哋傾完有咩可行辦法,我真係唔知跟住人哋會叫你下一步點架喎。

對話重覆又重覆。

究竟同事在想什麼?時間越來越接近 deadline,就越有捷徑辦到事?不想行第一步,因為嘥時間;坐著乾等然後乾著急,會是節省時間的辦法?抑或搏我有朝一日不耐煩,告訴她:「既然你唔識,不如我幫你做哂佢啦。包喺我身上。你去邀功得架喇。」

講吓講吓,時間又再緊迫一點。就算她肯開始第一步,恐怕已經太遲。

廣告

2 responses to “雪地裸求

  1. 佢想你幫佢做埋.

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s