Sick Leave (第六回)

milton-erickson-quotes-1如此這般的身世,莫說搵工,一切活動都要暫停,醫病要緊。

翌日,我捧著「中槍」的手臂,腳步浮浮回醫院處理其他事項。

某天……

Agent:喂,有份工啱你呀,send 個 JD 俾你,睇完話我知啱唔啱。

我怎能告訴她我病倒了?沒有人願意聘用一個病壞。香港地,莫說 CV 有個 gap,連病都是罪。

我:啱我呀,幫我 apply 吖,用番上次個 CV。

過了幾天,我收到見工的通知,於是說有事在身,把日子定在十天後。到時康復未,真是天知道。我連 MRI 都未照,十畫都未有一撇。如今這個環境,見步行步啦。

***

準時到達另一間醫院。

姑娘叫我換袍,脫下紮頭髮的橡筋,make sure 身上沒有任何金屬物件,就讓我躺下來,幫我戴上隔音 headphone。白色哥哥說,過程約 15-20 分鐘。

躺下來也痛。隔著 headphone 都聽到機器的噪音,由高音變低音,再變回高音。仔細聆聽,同一個頻率的音調當中也有節奏。

我專注地聽著聽著,進入了淺度的催眠狀態。每當噪音暫停的時候,我跌得更深,而且一次比一次深……

這樣就不痛了。這幾年來在辦公室裡發生的一切,飛快卻又清澈地 flashback。不知道是我告訴潛意識,還是潛意識告訴我,這幾年活得有多勞碌,我現在就痛得有多辛苦。現在我要的只是休息。

白色哥哥:完喇。換番衫出去等嗌名。報告大約三日後就有得攞。

***

連日來都下著雨,時大時細。我穿上了美津濃波鞋外出。我的鞋之中,這對最咬地,信得過。我一定要步步為營。

脊醫:情況唔太好喎。椎間盤突出,但唔算嚴重,否則你成隻手痺哂,肌肉痿縮都似。乜搞成咁呀?預計要十幾節治療。

接著,情況隨著治療程序改善,大痛變成中痛。可以先嘗試做幾次簡單的帶氧運動,之後可以聯絡 whatsapp 過我好幾次的教練。

***

潛意識:你又去搵工呀?你而家咁嘅身世點去見工呀?你硬係違反我嘅意願,用個腦同我唱反調。但係我遍佈你全身,包括埋你個腦,都係我控制嘅。你估你贏定我贏?你仲係咁蠢,我就再一次攻擊你身體最弱嘅地方。我要令到你休息,放棄見工。接招啦!

某天早上……

我又再痛到飛起,由背脊到前臂。撲入浴室簡單梳洗再撲回睡房,就像入醫院那天一樣。今次死都不回醫院,痛死都不回去。

抓來手機。好彩未約教練,否則故事就重複發生。

打電話到屋企樓下的診所。假日,居然有人接聽,thanks god。然後,我像中了槍那樣,撲入診所,步履不穩。

我告訴了醫生我的病歷,由「口供」開始,到脊醫,故事越來越長。醫生給我更強勁的消炎止痛藥 (當然不是 panadol)。

就這樣,我又過了一個星期臥床的日子。偶然會爬出來糊亂吃幾口東西,因為要食藥。手不能動,不可以拿起筷子。

舉高手會痛少一點,就索性舉起電視遙控器,看剛開台的 ViuTV。

如果現在有工作在身,我要 take 多少 sick leave 呢?簡直不敢想像。

***

脊醫:真係又發炎喎。要同你敷陣冰先。屋企有冇冰袋?冇就搵罐汽水雪凍佢黎敷。發得咁密嘅,你體質差咗喎。做過咩黎呀?有冇作病呀?例如感冒嗰啲?

我:少少 cardio 咋。我咁嘅身世,可以做啲乜?冇作病吖,好地地。有冇咩唔食得?

脊醫:有冇飲酒?

我:冇啦梗係。潮濕天氣有冇關係?

脊醫:潮濕唔會令你發炎。發炎即係你做咗啲身體唔 like 嘅嘢。穩陣啲,呢排唔好做平時唔做嘅嘢。

我:(咁 ViuTV 睇唔睇得呀?)

廣告

3 responses to “Sick Leave (第六回)

  1. 身體唔 like 睇 ViuTV 同 約教練?

  2. 上個月初感冒後一直頭痛….醫生說是神經線發炎, 這兩天仍感不適但不用服必理痛了…

發表迴響

Please log in using one of these methods to post your comment:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s